HONAKIAY✖奈綾．魂WEBLOG

Tuesday, 30 December 2008

  • 廿九日．重大的改變

    〔３－１１〕Ｄｅｃｅｍｂｅｒ，２００８

    2９日のすべて、

    重大な変化を持っています

    過咗咁耐，已經唔記得好多野，

    只係知道３號校慶，企咗好耐，腳殘．．．

    社際比賽，見住兩個ｆ．４搏命，搞到傷咗，唉～

    放學有誠同我玩墨伺，有ｄ悶．．．

    ４同５號都好似要考試，

    英文listening+默書炒咗，mr win讀英文好有問題

    重話係鬼佬,字都未讀得互就唔好出黎教書啦!

    listening唔夠時間，聽聽下都廢事做，囧

    中文聆聽，算唔錯啦，感覺上都ｏｋ，

    不過愈考愈熱，冷氣唔夠定係過份緊張？

    ６同７號假期，不過要補習同溫書，

    雖然８號唔洗返學，唔通考之前果日先溫咩？

    9號考英文＋BIBLE，我兩科都好有心機溫

    BIBLE應該無問題既，但係英文溫晒GRAMMA ITEM都無用...

    10號考通識+中文作文，齋係通識都搞咗我十個鐘．．．

    開頭考既時侯無乜問題，考到後面先至難，

    不過一定ＰＡＳＳ既，中文作文用"橋"做題目,

    本來450字,但寫寫下就變咗700幾,唉,手殘...

    11號考中文口試，ＭＩＳＳ　ＳＩＵ無乜圈我讀錯字，

    應該好高分ＸＤ．．多謝晒，希望作文都係你改～

    打住３－１１號既野先，諗唔到，唔想腦殘ＸＤ

Wednesday, 03 December 2008

  • 考試．開始！

    〔２〕Ｄｅｃｅｍｂｅｒ，２００８

    一日目の試験はすでに

    私を打ち負かしました

     

    普通話,最廢果科,點解要揀係第一日既考試,

    雖然內容同其他科相比少好多,但係難度就無乜分別,

    想打沉學生既意志,定係老師唔識諗呢?

    我只求合格,琴晚溫咗五個鐘,要溫既詞語我背晒,要背既野我溫晒

    到朝早六點,起身溫書,睇完再睇,溫完又溫,

    六個半鐘溫書時間裹面,我已經盡咗力!

    甚至係車,行返學校,ASSOCEMENT,我都攞住WS同本書溫緊,

    上到HALL,四班到齊晒,差我地一班最遲,柒晒

    開考,睇到份卷既時候令我O晒嘴,知道努力已經白廢咗!

    聆聽,詞語聽寫定係讀急口令呀?兩秒讀完就下一個,試問學生點做?

    唔合格既機會應該有,但係要視乎小肥點改我份卷

    返到班房就上BIBLE,又要QUIZ,大部份都啱,多謝葉雞& DAVID!

    數學又做MC,好眼訓,琴晚訓得五個鐘,邊夠呢?只係聽大隻周解釋ANS,無做到

    双堂ART,整石雕,落堂又交唔到,放學又要留低搞掂去,唉

    LUNCH去七仔食野,買咗樽好耐無買既56%朱古力,白色特別版,好靚

    小肥中文双堂,對琴日無做功課既人重懷恨於心,

    叫人出黎教書,鄭J出黎照紙讀,我坐小肥隔離抄MODEL ANS,

    同佢傾咗好耐計,,先發現佢D計謀重勁過諸葛亮,強!

    最後CVED,姚佬講廢話,望住黑板發呆成堂

    放學去ART RM同水蛇講要補習,雖然我未做晒,但係佢都比6.5分我,都唔錯

    補晒PHY既野,終於明白晒,今次考試唯一高分既希望

    放補習,黎SIR請食雪糕,買咗支$22.9既Haagen-Dazs,

    返到屋企打邊爐,留返支雪條做飯後甜品,

    電腦用唔到,打晒呂布傳,太屈,半個鐘唔洗就打爆咗

    十一點幾訓,腳指公好痛呀,隻鞋唔夠大,頂住隻腳指,

    搞到流晒血,點解香港無得買大SIZE既鞋嫁!

    ◎距離正式考試日重有７日◎

Monday, 01 December 2008

  • ◎考試終於黎到啦◎

    〔１〕Ｄｅｃｅｍｂｅｒ，２００８

    『試験はついに黎はに着きます！！』

    為咗Chem同Bio既測驗,我不犧牲訓教時間,

    [６]點半就起咗身,原來朝頭早記憶力係好Ｄ嫁!

    有好多都要串字背野,不過我半個鐘就KO咗啦,

    琴晚無乜溫到,好似溫極都溫唔入腦,十一點半就訓教

    溫到七點半出門口，搭果班車比平時重要早一班,無乜學生

    直到落車行返學校我都望住本書,好彩無仆倒

    行去小食部搵位坐溫書果陣,比KS用咗"長矛欄截"

    有少少痛,不過"少少苦楚等於激勵",就當激勵我測得好D

    ZINC TSANG有幾頁無教,要問其他班班我,但係都唔太明白,

    今朝ANNOCEMENT太多,搞到有D唔記得咗囧

    第一堂就TEST,遲咗測驗,但係準時收卷,有無搞錯!

    双堂英文,諗住睇"逃學威龍",但係要做默書CORR,

    睇睇下先知雞WING今日無返,好彩RT唔計分,

    LISTENING做唔做都算,輕鬆過英文堂!

    又有双堂,數學做MC都好過有QUIZ,感覺上時間過得好快。

    LUNCH都要做功課,唔想比小肥罵,但係都做唔晒

    中文堂過得好慘,小肥今日好燥,重搞到人喊

    唉,點解小肥近排又開心又燥呢,唔通"人格分裂"

    最後都双堂IH,可唔可以唔好照住本書讀,

    聽歌解悶,不過都係上學期最後一堂,唔緊要

    諗住放學去自修室,但係唔記得咗,囧

    返到屋企用陣電腦就要溫聽日既考試,真係連普通話都有咁多野背!

    ◎距離正式考試日重有８日◎

Sunday, 30 November 2008

  • 離別輕鬆．壓力再臨

    １１月３０日　日曜日

    ○別れるのは楽です．●

    ●圧力は更に臨みます○

    兩日假期，有幾耐訓幾耐，差唔多１２點先起身

    成個月都係咁，星期六，日一定要訓夠，

    屋企又無人，出晒去食野，諗諗下，有好多野要做，

    功課，測驗差唔多日日有，次次星期日都攞我命，

    好後悔星期六點解唔搞掂咗先，唉

    中史５張工作紙，英文默書改正，

    中文單元工作紙＆廣泛閱讀重有IH 剪報，

    咁多功課，重話比時間學生溫書，宜家算點？

    著咗呀媽新買既冷衫比我，成身都黑色，做咗黑衣人～

    一點半同有誠食飯，去OK買完野補習，

    BIO同CHEM，最悶既兩科，今日先溫，聽日有TEST，唉！

    返屋企，做完份IH食飯，沖完涼溫書，今晚無兩點都唔洗訓!

    ◎距離正式考試日重有９日◎

Saturday, 29 November 2008

  • 好多野要買．努力儲錢

    １１月２７日　土曜日

    ○どのようですかの粉はお●

    ●金の問題を解決することができます○

    九點，醒咗，再訓過，十一點起身，

    唔想出街，呀媽佢地去咗食早餐，

    留係屋企用電腦，打無双，唉～

    打咗好耐，終於用得呂布，不過又唔想玩，

    好悶，諗住睇下差幾多錢先夠買Gregory袋，

    原來得＄１８００，應該夠買呱，

    但有少少淆，唔想呀媽話我晒錢，

    呀媽返黎，買咗個包同埋盒奶比我，咁就一餐～

    上網睇有咩鞋可以買，點知無SIZE，唔通要訂？

    三點幾呀媽洗完牙又買咗個Ｍ記比我食，好飽

    電腦無野好做，又打PS2，乜NPC咁鐘意圍嘔玩家？

    呀婆同呀媽夜晚去食蛇宴，我同呀哥呀爸就食粥，唉

    唔想溫書，但係唔到我話事，功課唔做就算啦！

    ◎距離正式考試日重有１０日◎